Historitë e famshme të dashurisë nuk kanë kohë, ato janë të përjetshme. Bota ka parë shumë histori dashurie, por vetëm disa prej tyre janë kthyer në legjenda të përjetshme, janë gdhendur në libra e përjetësuar në projekte kinematografike. Disa nga këto çifte të dashuruarish janë përballur me refuzimin e të afërmve të tyre, të cilët s’kanë miratuar lidhjen e dashurisë, ndërsa të tjerë thjesht kanë jetuar një histori që ka zgjatur deri në ditët e fundit të jetës së tyre.

Historitë

Ndonjëherë në histori, tragjedia dhe dashuria kanë ecur përkrah njëra-tjetrës. Këto kanë qenë dhe ato histori që kanë frymëzuar më shumë poetët. Skenarë të njohur filmash e romane janë krijuar në bazë të këtyre historive, edhe pse ato kanë ndodhur shumë e shumë kohë më parë. “Websitet” e ndryshme, tani në prag të festës së përvitshme të Shën Valentinit, këshillojnë ata që duan të zgjedhin një eksperiencë të veçantë, që të lexojnë së bashku me njerëzit e tyre të zemrës këto histori të pavdekshme dashurie.

Mark Antoni dhe Kleopatra Faraonia e Egjiptit dhe gjenerali romak

Historia e dashurisë së faraones së fundit të Egjiptit dhe gjeneralit të pashëm romak skandalizoi gjithë shoqërinë romake dhe politikanët romakë. Ata u martuan në vitin 36 para Krishtit, por dashuria e tyre nuk pati fund të lumtur. Pavarësisht të gjitha rreziqeve, Mark Antoni dhe Kleopatra u martuan në vitin 36 Para Krishtit. Në vitin 31 para Krishtit, kur Mark Antoni dëgjoi në fushën e betejës lajmin e rremë se Kleopatra kishte vdekur, ai ra mbi shpatën e tij. E mbetur pa shpresë, Kleopatra vrau veten duke përdorur një gjarpër helmues.

Marie dhe Pier Kurie, partnerë në dashuri dhe në shkencë

Marie kalonte çdo minutë kohë të lirë duke studiuar në laborator. Kështu ajo i ra në sy Pier Kurie, i cili ishte drejtori i një prej laboratorëve ku ajo punonte. Ai i bëri asaj propozime të shumta martese deri sa ajo pranoi. Ata u martuan më në fund, në vitin 1895 dhe filluan kështu lidhjen e tyre të famshme. Tre vite më vonë ato zbuluan poloniumin dhe radiumin. Në vitin 1903 fituan çmimin Nobel. Kur Pier vdiq në vitin 1904, Marie vazhdoi punën e tyre të përbashkët duke u bërë dhe mësuesja e parë femër në Sorbonë.

Alfred Lunt dhe Lin Fontan, çifti që “mbretëroi” 55 vite në Broduei

Lunt dhe Fontan u shfaqën në pjesën e parë teatrore së bashku, në vitin 1919. Ata u martuan tre vite më vonë. Rrallë ka ndodhur që një histori dashurie teatrale të zgjasë aq shumë ose të ketë një triumf të tillë. Për 55 vite ata ishin të pandashëm nga njëri tjetri. Ata shkëlqyen në Broduei me rolet e tyre në komeditë e sofistikuara të Xhorxh Bernard Shout, Terenc Ratigan dhe Noel Kouard, vepra madhore e të cilit, “Design for living” ishte krijuar enkas për ata të dy. Alfred dhe Lin u larguan nga skena në vitin 1958.

Eni Oaklei dhe Frenk Batler, gjuajtësit e talentuar që frymëzuan “musical” amerikan

Eni Oaklei nga Ohajo ishte një vajzë çapkëne, e cila shumë shpejt u bë e njohur si qitëse e talentuar. Frank Butler, i cili ishte qitës me famë në atë kohë, u habit pa masë kur i thanë se një vajzë e re kishte pranuar sfidën e tij për të mundur këdo. Por në fakt, vajza e re e fitoi konkursin dhe e mundi atë. Ajo fitoi gjithashtu dhe zemrën e tij. Ata u martuan në vitin 1882. Butler braktisi karrierën e tij, për të menaxhuar atë të gruas së tij. Eni vdiq në vitin 1962. Bashkëshorti i saj zemërthyer, vdiq 18 ditë më vonë, ndërkohë që martesa e tyre e lumtur kishte zgjatur 44 vite.

Robert dhe Elizabeth Brouning, një histori dashurie sekrete mes dy poetëve legjendarë

Historia e dy poetëve përmban gjithë elementët e duhur për një histori romantike, shoqërimin e fshehtë me njëri tjetrin, arratisjen, poezitë e dashurisë dhe peizazhin piktoresk italian. Elizbeth shkruante poezi që kur ishte e vogël dhe botoi një libër “Poems” në vitin 1844. Shkrimet e saj tërhoqën vëmendjen e Brouning, i cili ishte poet. Ata u detyruan të arratisen në Itali pas kundërshtimit të babait të Elizabeth për martesën. Poezitë e të dyve u frymëzuan pikërisht nga historia e dashurisë së tyre.

Viktoria dhe Alberti, mbretëresha angleze që vajtoi bashkëshortin për 41 vite

Mbretëresha Viktoria dhe Princi Albert u martuan më 1840. Çifti pati nëntë fëmijë dhe Viktoria ishte shumë e dashuruar pas bashkëshortit të saj. Kur Alberti vdiq më 1861 ajo nuk u shfaq në publik për tre vjet rresht. Izolimi i saj i gjatë shkaktoi kritika publike. Sidoqoftë, nën influencën e kryeministrit Benxhamin Disraeli, Viktoria iu rikthye jetës publike në vitin 1866. Por Viktora, s’reshti kurrë së vajtuari për princin e saj të dashur, duke u veshur me të zeza deri në fund të jetës së saj.

Xhon Alden dhe Prishila Mullins, një prej romancave të para të kolonive në SHBA

Historia e tyre ishte një nga romancat e para në kolonitë amerikane. Historia e tyre e dashurisë është e përjetësuar në një poemë të vitit 1858 të Henry Longfellou. Sipas poemës, Alden u njohu me Mullins, kur kapiteni i tij e dërgoi atë t’i thoshte vajzës së bukur se kishte rënë në dashuri me të. Mirëpo Alden dhe Mullins u dashuruan bashkë, megjithëse nuk mund ta shprehnin nga frika se mos fyenin kapitenin. Së fundmi ata u martuan, lindën 11 fëmijë dhe janë ndër themeluesit e Duksbëri në Masacusets.

Shah Jahan dhe Mumtaz Mahal, perandori që ndërtoi Taxh Mahalin për gruan e tij

Perandori Shah Jahan ishte i dashuruar marrëzisht pas gruas së tij 15-vjeçare, Mumtaz Mahal. Ajo i dhuroi atij 14 fëmijë dhe u bë gruaja e tij e preferuar. Pas vdekjes së saj në 1629, perandori që mbajti zi për një kohë të gjatë për gruan e tij të dashur, vendosi të ndërtonte në nder të saj një monument. U deshën 20 mijë punëtorë, një mijë elefantë dhe rreth 20 vite për përfundimin e monumentit, i cili sot është një destinacion i preferuar i turistëve, Taxh Mahali. Kur Shah Jahan vdiq, e varrosën përkrah gruas së tij në Taxh Mahal.

Abigail dhe Xhon Adams, një histori dashurie gjysmëshekullore gjatë luftës revolucionar

Edhe pse ajo jetoi në një kohë, kur pjesa më e madhe e grave nuk ishin të arsimuar, Abigail Adams mësoi të lexonte dhe të ishte në kontakt me ngjarjet e momentit në vend. Intelekti i Abigail tërhoqi vëmendjen e avokatit të ri, Xhon Adams dhe ata u martuan në vitin 1764. Ishte një dashuri intelektuale dhe romantike që do të zgjaste për 50 vjet. Gjatë kohës që Adams ishte larg shtëpisë, ata i shkruanin njëri tjetrit letra të gjata romantike. Në vitin 1810 ata lanë Shtëpinë e Bardhë dhe u tërhoqën në fermën e tyre në Masaçusets, ku gëzuan praninë e njëri-tjetrit dhe për 17 vite të tjera.

Abelardi dhe Heloiza, dashuria e një murgu e murgeshe që jetoi ndër shekuj

Historia tragjike e Abelardit dhe Heloziës ka jetuar ndër shekuj. Rrethi vitit 1100, Peter Abelard shkoi në Paris të studionte në shkollën “Notre Dame”. Ai fitoi shpejt si reputacionin si filozof i shquar. Kur meshtari i “Notre Dame” e punësoi atë t’i jepte mësim mbesës së tij, Heloizës, ai u dashurua marrëzisht me mbesën e punëdhënësit të tij, Heloizën me të cilën pati dhe një fëmijë. Mirëpo pasi u mor vesh një gjë e tillë, Heloizën e mbyllën në një kuvend dhe Abelardi vendosi të bëhej murg. Ata vazhduan ta donin njëri tjetrin dhe letrat e tyre janë botuar më vonë./tiranaobserver

Sot në mbrëmje, pikërisht e shtunë 18 shkurt, do të nisë një nga spektaklet më të ndjekura në Shqipëri. Bëhet fjalë për “Big Brother Albania” në edicionin e tij të pestë radhazi. Për të zbuluar më shumë mbi shtëpinë, banorët e rinj dhe si do të jetë i organizuar ky show sivjet, kush më mirë mund të përgjigjet sesa autorit i këtij produksioni gjigant, Rezart Aga. Zoti Aga tregon disa të fshehta, por pa zbuluar asnjë nga surprizat e mëdha të kësaj nate, të cilat do të jenë katër. Gjithashtu edhe në “Fun club” tani nuk do të shihni më Eno Popin, por prezantuesen Albana Osmani. Sot do të futen gjithsej 16 banorë, në një luftë të ashpër se kush do të qëndrojë në shtëpi pasi do të ketë eliminime brenda natës, të vëzhguar nga mbi 80 kamera, në betejën finale për të fituar 100 milionë lekë. Gjithashtu, Rezart Aga shpjegon se “Big Brother” edhe sivjet do të zgjasë 100 ditë.
Jemi në natën e show-t “Big Brother”. Çfarë elementësh të veçantë do të ketë kjo natë?
Një gjë që është shumë e sigurt dhe publiku i di pak a shumë ka një ndryshim absolut. Ka një ndryshim të shtëpisë, ridizenjim në të gjitha aspektet e saj. Është një shtëpi, e cila do të ketë një lloj fryme gati ekzotike, një stil që ne nuk e kemi parë asnjëherë këto vitet e tjera. Do të jetë një studio totalisht e re ku do të bëhet show, në dimensione shumë të mëdha dhe me shumë elementë brenda. Janë shtuar elementët e informacionit, janë shtuar pikat e projektimit për të shpërndarë sa më shumë informacion në këtë studio.
Sa ditë do të ketë ky “Big Brother”?
Është folur shumë, por realisht ky “Big Brother” do të jetë sërish në 100 ditët e veta. Pra nuk do të ketë zgjatje.
Cilët janë banorët që do të “popullojnë” shtëpinë më të vëzhguar në Shqipëri?
Edhe kjo ka qenë një tjetër risi e sivjetshme. Do të ketë një rritje të moshës. Do të ketë banorë edhe nga mosha mbi 50 vjeç. Do të jetë një lloj konflikti mes brezash, mes diskutimeve. Një risi tjetër është larmia e personazheve. Janë individë që mbartin shumë probleme sociale, fenomene që janë prezente në shoqërinë shqiptare, për të qenë ata zëri i duhur për t’i sjellë ato edhe në shtëpinë e “Big Brother”.
Në shtëpi ka pasur banorë homoseksualë. Çfarë do të ketë sivjet?
Po të flasim për raste si homoseksualizmi, ai ka qenë absolutisht një fenomen social, të cilit ai format i dha zërin e duhur nën dimensionin e duhur. Por nuk është tendenca për t’u përsëritur sërish kjo gjë në përzgjedhjen e banorëve. Kjo për ne nuk përbën fakt. Aq sa ç’ishte rasti i homoseksualizmit mund të jenë probleme të tjera si droga apo prostitucioni, varfëria, gjendja psikologjike apo veset e bixhozit. Ka shumë fenomene të tilla, të cilat me anë të personazheve ne mundohemi t’i trajtojmë në këtë format.
Sa aplikues keni pasur sivjet?
Numri, realisht ka qenë shumë i madh. Ka kaluar çdo lloj parashikimi të viteve të tjera. Deri tani që ne flasim bëhet fjalë për një numër mbi 8 mijë aplikues.
Sa konkurrentë do të futen në natën e sotme?
Do të jenë 16 banorë që do të futen në shtëpi. Brenda këtij numri do të ketë një lojë shumë të madhe mes hyrjeve dhe daljeve. Do të ketë eliminime brenda natës. Do të ketë një strukturë brenda gjatë gjithë javës, që secili banor mos të ndihet banor i asaj shtëpie, po do vendoset nga publiku fundin e javës që vjen se kush do pranohet nga këta të 16-të që të vazhdojë të qëndrojë dhe kush duhet të largohet. Askush nuk mund ta ketë më vendin e sigurt jo vetëm thjesht nga përzgjedhja jonë. Ne bëjmë përzgjedhjet tona, po është publiku ai që do të vendosë pastaj se cili personazh do të jetë vërtet interesant. Do të ketë eliminime edhe nga vetë banorët. Pra nuk do të presim nominimet klasike, pra se kush nominon dy apo tre banorë. Do ketë çdo moment mënyrë të nominuari edhe nga vetë personazhet, nga publiku. Do ketë një larmi të tillë konceptimi.
Si do të jetë kjo e shtunë, është një pyetje e gjithë publikut?
Nuk do të ketë të ftuar specialë apo diçka tjetër. Thashë që ka  një rikonceptim edhe të hyrjes, të të gjithë elementëve. Janë vetëm katër elementë, por që për momentin nuk mund t’i them.
Kush do të jetë opinionisti i sivjetshëm?
Opinionisti do të jetë një personazh tjetër, i cili do të zbulohet sot. Nuk do të jetë Blendi Salaj. Ndryshe nga sa është thënë, do të jetë vetëm një opinionist dhe jo dy.
“Fun club” si do të jetë? Sërish nën drejtimin e Eno Popit?
“Fun club” sigurisht që do të jetë, por do të vijë pak më ndryshe sivjet. Nuk do të jetë më Eno, por Albana Osmani ajo që do ta drejtojë.
Është viti i pestë që po zhvillohet ky show. Ju si ndiheni?
Ajo çfarë të vjen mirë është që në një moment të caktuar kur i mendon që kanë kaluar 5 vjet, pritshmëria është po kaq e madhe. Kupton që nga shumë eksperienca nëpër botë që kanë uljet e veta, pritshmëria është shumë e madhe në fillimin e këtij show.
Çmimi i fituesit, sa do të jetë?
Çmimi do të jetë po ai. Do të jenë sërish në lojë 100 milionë lekë. Nuk kemi lëvizur nga çmimi dhe besoj se është një çmim i madh.
Si do të vijojë ‘Bigu’? A ka diçka surprizë në vazhdim?
Brenda rrugëtimit të vet të “Big Brother” do të ketë vërtet dy surpriza shumë të mëdha. Nuk po them që do të jenë që javën e parë, por do të jenë në vazhdim. Ky format është i dimensioneve ndërkombëtare dhe aty do të kuptohet më mirë kjo gjë. Do të ketë surpriza shumë të mëdha për banorët brenda. Madje do të jenë vërtet shumë të çuditshme, që nuk kanë ndodhur asnjëherë.
Sa njerëz e vëzhgojnë shtëpinë e “Big Brother”, Rezart?
Janë me të vërtetë shumë. Është një nga stafet më të mëdhenj që mund të punojë nëpër televizione. Të paktën, po themi gjithë stafi, jo vetëm ata që vëzhgojnë, por edhe mënyra sesi editohet, janë rreth 150 persona.
Kamerat që keni vendosur në shtëpi, a i keni numëruar?
Pa diskutim që po. Por nuk janë vetëm kamerat. Megjithatë shkojnë diku tek 80 kamera vëzhgimi që monitorojnë gjithçka.
Rezart, a ju vjen keq kur banorët që eliminohen mendojnë se nuk ishte e drejtë dalja e tyre?
Ai është një cikël i përhershëm, po për diçka të jenë të gjithë të sigurt, që për ne janë të gjithë të barabartë dhe rruga e secilit vendoset nga publiku dhe nga askush tjetër. Kjo pjesa, që kur të gjithë dalin jashtë besojnë tek vetja është më se normale. Kush nuk do ta donte rrugëtimin maksimal, por shumë shpejt kuptojnë që problemi nuk është i yni, por ka të bëjë në marrëdhënien e tyre me publikun. Problem tjetër është ai i përballjes me vëzhgimin e të gjithëve pasi del nga shtëpia. “Big Brother” të jep vëmendjen, asgjë më shumë sesa vëmendjen. Të tjerat i përkasin individit. Ne nuk të bëjmë as me shkollë, as artist, as prezantues, asnjë gjë (qesh). “Big Brother” të jep vetëm vëmendje për atë fenomen që t’i përcjell.

Ishin forcat e RENEA-s, të ardhura në vendngjarje pas lajmërimit nga një kalimtar, dhe  Zv.drejtori i Policisë së Shtetit, Muhamet Rrumbullaku, të cilët kanë negociuar me të, duke përfunduar me sukses operacionin në shpëtim të tij. Pas operacionit, Policia e Tiranes ka dale me nje deklarate, ku thuhej se arsyeja qe kishte nxitur burrin per t’u ngjitur ne vinc, ishte nje grindje si pasoje e pronave.

Nderkohe qe u tha edhe se ishte ne gjendje te dehur dhe depresive, gje qe ne fakt eshte jo fort e besueshme, duke pasur parasysh se ne ate lartesi, e ka te veshtire te qendroje nje fare i kthjellet e jo me nje nen efektet e alkoolit. Gjate diteve ne vazhdim pritet te sqarohen me mire arsyet qe cuan Xhemal Zhuren te ndermarre nje veprim teper te rrezikshem, qe si perfundim thjesht terhoqi vemendjen e te gjithe qytetareve te Tiranes e me gjere.
]]> http://zenaqama.wordpress.com/2012/02/05/nje-ore-panik-i-kote-ne-tirane-50-vjecari-akrobat-mbi-vinc/feed/ 0 zenaqama vinc http://zenaqama.wordpress.com/2012/02/03/komedia-ska-burre-qe-tradhton-gruan-time-serish-ne-metropol/ http://zenaqama.wordpress.com/2012/02/03/komedia-ska-burre-qe-tradhton-gruan-time-serish-ne-metropol/#comments Fri, 03 Feb 2012 17:13:14 +0000 zenanews http://zenaqama.wordpress.com/?p=118 Vazhdoni leximin →]]> Teatri i Metropolit vendos përsëri në skenë këtë fundjavë, komedinë “S’ka burrë që tradhton gruan time” me regji të Milto Kutali.

Vepra e autorëve Samuel Bobrick dhe Ron Clark rikthehet në datat 3, 4 dhe 5 nga tre personazhet kryesorë Guri Koco, Armela Demaj dhe Florian Agalliu në orën 19:00 në sallën “Shekspir” të TM-së. Komedia ka një subjekt sa real aq edhe komik. Në qendër të tij është një grua dhe i dashuri i saj dentist, të cilët kanë thurur intrigën për të mbytur në vaskë bashkëshortin e saj. Gjithçka funksionon perfekt dhe ai vjen, madje edhe i ndihmonë ata sepse nuk beson se plani për eleminimin e tij do të funksionojë. Por, bashkëshorti, Pol zbulon se e shoqja është tradhëtuar nga dashnori i saj dhe i mbush mendjen gruan që të mos vrasë veten, por të vrasin të dashurin e saj. Pol do hakmerrej pasi, për të ajo që nuk falet është: S’ka burrë që tradhton gruan time”. Arlena pasi i ka lënë të dy, Pol dhe Michell thurrin intrigën dhe përgatisin trekëmbëshin për gruan që i ka tradhtuar. Litari këputet në momentin final. Situata nga më komike të shfaqjes pasojnë njëra-tjetrën duke e përfshirë publikun në një realitet tjetër për më shumë se 1 orë e 30 minuta në Teatrin e Metropolit, në një shfaqje me skenografi të Kastriot Rroshit. Komedia ka patur premierën në dhjetor të vitit që shkoi.

Në kuadër të aktiviteteve për 100-vjetorin e Pavarësisë, Teatri Kombëtar ka një projekt të ri, atë të Festivalit të Rrugës. Në pritje për t’u miratuar nga Ministria e Turizmit, Kulturës, Rinisë dhe Sporteve, ky projekt mendohet të realizohet me fondin për të rinjtë, që akordohet prej shtatë vitesh nga MTKRS për Festivalin Teatror të të Rinjve. “Dalja nga korniza dhe drejtimi i të rinjve për një formë alternative të artit skenik, shpresojmë se do të ngjallë interes dhe do të ketë efekt të menjëhershëm te artistët e rinj”, thuhet në projekt.
Festivali i Rrugës do të zhvillohet në sheshet e Tiranës dhe jo më në skenën e TK-së, me qëllim që ta çojë teatrin sa më pranë publikut dhe ta bëjë atë sa më popullor.  Gjithashtu, ky projekt propozon që shfaqjet teatrore të shkojnë edhe në qëndrat tregtare, pasi, sipas përvojës europiane, organizimi i shfaqjeve teatrore brenda qendrave tregtare ka qenë shume i suksesshëm.
Nëse MTKRS do ta miratojë këtë projekt ky festival do të jetë një risi në vend, të mësuar duke parë shfaqje vetëm brënda sallave të teatrit. Në vijim të projekteve që MTKRS ka për këtë vit, në pjesën më të madhe të të cilëve nuk do të mungojë fryma kombëtare, Teatri Kombëtar propozon edhe organizimin e takimeve të aktorëve të njohur të Teatrit Kombëtar me nxënësit e shkollave. Këto takime do të zhvillohen në bashkëpunim me Drejtorinë Arsimore Rajonale dhe në to do të lexohen kryevepra të poetëve më të mirë shqiptarë në vite.  Nxënësit do të kenë mundësinë t’i shijojnë ndryshe nën interpretimin e artistëve të skenës, kryeveprat të cilat studiojnë në programin mësimor, si dhe do të njohin edhe ato kryevepra, të cilat nuk i përfshin programi i tyre. Përveç rëndësisë edukative, ky aktivitet synon që të afrojë më tepër adoleshentët me teatrin. Krahas këtyre projekteve, Teatri Kombëtar do të zhvillojë edhe konkursin për dramën shqipe, fituesit e të cilit do të ngjitet në skenën e TK-së, si dhe Festivalin Mbarëkombëtar të Teatrit.

Qumështi shërben si “benzinë” për trurin. Të konsumosh të paktën një gotë në ditë e mban trurin e stërvitur, përmirëson memorien dhe mund të kontribuojë për të ngadalësuar “perëndimin” neurologjike. Këtë efekt të ri pozitiv për ndikimin që ka qumështi në jetë është një studim amerikan i publikuar në “International Daily Journal”.
Shkencëtarët e Universitetit të Maine kanë matur paraqitjet cerebrale të më shumë se 900 burrave dhe grave mes 23 e 98 vjetëve, duke i nënshtruar në teste, ku janë vlerësuar 8 parametra të ndryshëm kyç. Rezultatet kanë qenë “më të mira në mënyrë domethënëse” për ata që konsumonin qumësht. Veçanërisht, ndrysha nga ata që nuk pinin qumësht, kush e konsumonte shpesh shfaqte një rrezik 5 herë më inferior për të pasur “flop” nëpër teste. Pavarësisht nga mosha, paraqitjet më brilante u arritën nga ata që deklaronin konsumin më të madh të qumështit dhe derivateve të tij.
Efekti pozitiv i këtyre ushqimeve nëpër neurone mbetej i vlefshëm edhe duke korrigjuar rezultatet, duke pasur parasysh faktorë të tjerë, si gjendja kardiovaskulare, apo zakonet e jetës në përgjithësi. Sipas autorëve, rezultatet e studimit duhen thelluar, por sugjerojnë mundësinë që disa proteina përbërëse të qumështit kanë një aksion direkt mbi funksionet cerebrale. Kjo do të thotë se një ndryshim i thjeshtë i stilit të jetës në tavolin, mund të përfaqësojë një mundësi për të parandaluar, apo ndalësuar problemet të karakterit neuropsikologjik.